ديوان
حكايات في الغربة
بالشعر العامي
سعيد ابوالعزائم
الأهداء
الى كل مصري يعيش في الغربة ويمتلىء قلبه حباوشوقا لمصر
الى كل مصرى لم يعرف طعم الغربة وتحدثه نفسهبها
الى الاجيال القادمة أجيال....
توشكى وشرق التفريعة وسيناء و جنوب السويس
اهدي هذه الكلمات ....
سعيد ابوالعزائم
سنين تجري...
سنين تجري وراها سنين...
و أيامي بعيشها حزين
اقول يمكن هيصفالي زماني في يوم
وتشفىَ جراحي مالغربة واسيب اللوم
بلوم نفسي في كل نهار
وأمضي الليل مع السُهار
لا يوم لمس الامل قلبي واقول حرجع
وأسيب الغربة والاحزان ولا اتوجع
ولا حتى لقيت جنبي خليل صادق
بينصحني ويرشدني ولا ينافق
ولكن هي دي الغربة مشاكل فايتة في مشاكل
وناس تايهة وناس ضايعة وعايشة بس تتشاكل
أنامصري...
أنا مصري ومصري يعني واد مجدع
أشيل الهم فوق راسي ولا أتوجع
وأخوض في بحور وراها بحور ولا أرجع
وفي شُغلي تلاقيني أجيد وابدع
أطيع الأمر والرُويسا ليهم اسمع
وأقف عالخط واستنى عشان ماأدفع
ما أنا مصري ومصري يعني واد مجدع
*****
مليش في الحُكم وسياسته وعمري ما أكلم الحُكام
وأعيش من كَدي و بعرقي ولا كونشي مع الخُدام
وفي الأهرام اكون واقف أزيد وابنى ورا وقُدام
و"خوفو"و الا دا"خفرع"تلاقيني بكلزمام
بين البحرين قنالي هناك بنيتها والدموع أكوام
وفي رمضان عملت عبور مفيش زيه ولد وهُمام
وأعيش عالحلوة والمُرة ومصري يعني كله تمام
****
أنا مصري عيالي كتير ورزقي عالعيال بيطير
قالولي تسافر الغربة وأنا عمري ماكنت اسير
أعيش دايما جوار النيل آكل بصلة وأحلي فطير
قالولي الرزق برة يزيد سنة واتنين وتيجي أمير
بلاد العُرب مليانة ومحتاجة لكل خبير
فرُحت مشمع الفتلة وعالغربة ورحت أطير
ما أنا مصري ومصري يعني همه كبير
****
أنا مصري وآه من الغدر فالغربة ولعب عيال
وبعد ما تدي وتضحي يقولولك على الترحال
كأنك غنمة أو معزة يسوقوها وكله حلال
وكُل بلد تهيج مرة تقوم عالمصري في الطوال
تشيل وتهد وترحل نقولشي نضال
وطوالى مفيش غيره بيدفع دم قلبه جبال
وأنا مصري ومصري يعني لا غربة ولا توهة ولا ترحال
****
أنا مصري ودي كلمة بقولها والتكال عالله
لا يوم هارضى أعيش مزلولولا عمري اقول الآه
وبلدي جنة الدنيا وفيها كل ما ارضاه
ومهما بعدنا راح نرجع وفي خيرها نعيش واياه
وأما اصحابنا إياهم فسيبهم منهم لله
يجيبوا اللي يجيبوه والله دا شغل حواه
مفيش غيرة بتاع النيل ولد مصري وقول الله
عجبي عليك يا زمن!!!
عَجَبي عليك يا زمن بتبهدل المساكين
إللى ملهوشي حماية أو واسطة للواصلين
يفضل يعافر وعمره ما يكون مع الناعمين
أصل الحكاية قانون عملوه لينا الفاسدين
نفضل نطاطي نطاطي لجل الحياة ما تلين
مهما نطاطي و نصبر هنعيش كده مساكين
يابني طاوعني وسيبك من النصح والناصحين
ربك مقسم عباده اسياد ومعدومين
والمسالة مش ورث أو فدادين طين
المسألة أخلاق وسلوك وأعمال زين
إللي هيرضى بنصيبه ويتبع فروض الدين
يلقىالنعيم عند ريه جنة وحور العين
و إللي هيطغى بفلوسه أعماله كلها شين
يبقى هيوصل جهنم ويكون مع الضايعين
محمد أفندي...
محمد أفندي لجل ما ييجي للغربة
ويقبض بالدولار مرة ورا مرة
ساب الأولاد وساب الست ترعاهم
وشاف دمعة على عنيهم بتكويهم
وقال هرجع سنة واتنين وحديهم
فلوس ياما تدفيني تدفيهم
وعدىَ سنين وراها سنين
وهوفي الضنى مسكين
وكل ما ييجي يتذكر يقول هرجع
تقول اولاده لا يابا بنتوجع
شوية كما وصبر كمان
فلوسك هي شريان الحيا لينا
فلوسك منها تحققق امانينا
ويوم أسود رجع لكن في صندوقه
ونعي بسيط ولا بقرشين عالجرنال قريناله
محمدأفندي ياخونا مضى لحاله...
الأسطى منير
والاسطى منير وكان اسطى مفيش زيه
صوابعه حرير وتلفو في دهب ضيه
قالنلو الست جماعتهم ما تيجي تسافر الغربة
تجيب قرشين نجيب شقة نشوف بره
زمايلك كلهم سافروا ورجعو كلهم قدرة
وسافر الاسطى من مدة
وغتب غيبة ماتتعدى
وكان يبعت على الاولاد حوالة كلها غلة
فلوس ياما وتملىَ يجي كذا حلة
وجاتى الست جماعتهم جابت شقة وعربية
وهاصت هى والاولاد مدام الرزق بالميه
وطبعا غياب الاب خلى الوِلد بيضيعو
فلا شمام وغيره بكرة هيضيعو
والاسطى منير عيى بالقلب من همه
على الاولاد وعالغربة وايه ذنبه....
الاستاذ حسن
واستاذنا حسن وكان استاذ في مدرسته
ورا اجيال ورا اجيال وهو جوا مدرسته
وجالو عقد في الغربة ونالو من الهوىقربه
وسافر وساب امه مريضه ومافي حد يرعاها
وخد جماعته واولاده وقال يارب تسترها
وغاب غيبه على غيبه وامه الحزن يكويها
وقتر حتى في اولاده على اهله على نفسه
وكان يبخل ولا ينزل يشوف امه ولا مرة
ولم كتير نقول ملايين وكانت أمه بتودع
وجاله جواب في يوم أغبر
قاللوه تعيش و تتفكر
وصاحبنا ولا همه وقال برضه كده اريح
هبيع شقتها واتريش وبرضه بكرة راحاربح
ولفالعمر بصاحبنا وداق من الكاس مرار اكتر
رجعمذلول ومتكسر ولاده هاجرو واتكالو
وهووحيد مريض وما في حد يفتكره
ويبكييفتكر أمه وبكرة القبر هيضمه
وعجبيكلنا بنبكي وبرضه بننسى ونغرب...
الباشمهندس حمادة
والباشمهندسحمادة كلنا عارفين
أصلهوفصله من زمان داريين
كانأول الدفعه وطول عمره همام
وجالهتكليفه على الشركة وكله تمام
ابوهراجل بسيط لكن بيدعيله
وكاقرش بييجي كان بيديله
وقالهعايزك تحقق ليا امنيتي
وتكونمهندس عظيم جانبي في شيبتي
والباشمهندسمنور جوا حتتهم
وبنتالجيران تشاورله على بيتهم
تقولهامتى هتيجي تزورنا والعيلة
ابوياناوي يقيم الفرح كام ليلة
والباشمهندسيفكر امتى راح يقدر
يقدمالشبكة وبكرة الشقة تتدبر
يقولهاسافر سنة واتنين على الغربة
اجيبسيولة واحل مشاكلي بالمرة
فقاممقدم اجازة لشغله رفضوها
وراحسايبهم وقال طظين ملعون ابوها
بعقدالخليج بكرة ييجو لأيدي يبوسوها
والباشمهندسيسافر بالامل مليان
هيحلكل المشاكل ويعيش كما السلطان
وتو ماوصل قاللو تعالى يا اخينا
انسىالشهادة وسيب الماضي زيينا
انتالنهاردة اتولدت بس ميكانيكي
فقاليا غربة خلاص بانت بلاويكي
بعتجواب لخطيبته يشكي من غلبه
وقالعشانك هدوق الذل دا كله
ويومورا يوم صاعت منه هندسته
وضاعمعاها تاريخه وكل فلحسته
يقوللنفسه راح ارجع بكرة من تاني
واكونمهندس عظيم زي خلاني
وتجريمنه السنين وهو مش داري
عماليلم الفلوس والشكل بيدارى....
عم حسين
الفجر شقق ونور الصبح بينور.......
والطير يزقزق ورزق الكون اهو ادبر
وعم حسين صحي من بدرى وإتوضى....
وخد تلفيعته على الجامع وراح مضَّى
وصلى الفرض والسُنة وقالت تقضى......
وبعد صلاته قان يسعى...لرزقه كل يوم يرعى
وعم حسين مخلفشى سوى ولدين...محمد ترزى فى العتبة....واحمد باشويش فى الجيش
محمد ترزى مصيت...وصيته فى البلاد طير....ورزقه كبير ولاصغير
يقص الحته مندولة تخلى الست عدولة.....تقول ياناس داناالاولى
ويضبط قصة الفستان مع الجيبة تقولشى جنان...محله كل يوممليان
ومتجوزبفى له سنين ومتهنى مع نسرين مراته بنت عمأمين
ولكن كل مشكلته مفيش خلفة....
مفيش حتة ولد يجى من اللفة...
بقول بابا يقول ماما يكون خفة
ويشكى لأبوه يقول ليه بس......
معايا فلوس كتير تترس....
مفيش اولاد كأنه عناد ويادى النحس
وعم حسين بقول يابنى دا والله حرام ماتكفرشى
ورزقك بكرة ييجى اوام وقوم اتوضىواستغفر تعيش فى سلام
وأما الباشويش احمد فروقه صغير....
وعنده من العيال دستةوجاى كتير
مراته سنييه بتخلف على التاسع تقولشى نفير..
ويشكى الباشويش احمد يقول يارب...
عيالى كتير ورزقى قليل ويادى الذنب
وعم حسين يقول يابنى ماتكفرشى.....
ورزق الولد من ربكما ينحشى ...
حتُفرج والله م نواسع ما تعجلشى
وعند الليل ولما الدنيا بتغيم....
وعم حسين يكون بيصلى وبيختم.......
ويدعى كلمتين ويقول...
يرددهم كدة على طول
يارب الكون والحكمة يا عاطى كل شيىء قسمة أخدت منالفقير ماله وهنيته مع عياله
واعطيت الغنى القدرة ويتمنى الولدمرة
ضريبةالعالملين في الخارج
( في نهاية الثمانينات وفي وزارة الدكتورعاطف صدقي قرروزير المالية الدكتور الرزاز فرض ضريبة على العاملين بالخارج ممااثار كثيرا من الاعتراضات)
د.الرزاز : إتحقق الخلم وجاتلي الفكرة طوالى
راح اعمل ضريبة تخلي الدخلفي العالي
د.عاطف صدقي: وايه يا سيدي اللي جالك قولى طمني
إزاي حتبقى الفلوس في العالي ارحمني
اوعى تقول هتعمل ضريبةللبيع من تاني
كفاية واللا عايزهم يشتكوكتاني
الشعب جوا البلد بيبص ويدقق
عمال يبص ويصبر لجل تحقق
كل الاماني وبكرة الخيرهيتفرق
د.الرزاز : ومين قالك هبص لجوا في الدارج
الخير ياصحبي معشش برة فيالخارج
اخونا اياهم ومين غيرهمهيدينا
همصلك دمهم وحققلكامانينا
د.عاطف صدقي:آه منها فكرة ويخرب بيت تفانينك
ازاي فاتتني الحكاية وقوم يلا لألاعيبك
فننليفُكيرة واظبطها على الواحدة
عايز ضريبة كبيرة تخليالفلوس واردة
وقامواأصحابنا عملوها طوالي
ضريبة تسرقفلوسي وتذل احوالي
عمَّال احول مبالغوالرصيد خالى
وهما يتهنواوالهم يبقالي
أيـام
أيام كتيرة تمر وتشدفينا تجُر
ايام بتيجي هنية وأيامندوق المُر
أيام نكون فوق عاليوأيام تخدنا تكُر
وايام أكون وحداني أبكيودمعي يِفِر
وهو كل يوم بيعدي والعمريجري اوام
ياخد وعمره ما يديوالعيشة في الاوهام
في يوم ما جيت الدنيابكبيت بدمع كتير
الناس معايا تغني والفرحبكرة يصير
وفي يوم ما رحت اطاهربكيت وبرضه كتير
الناس تهني في ابوياكأني صرت أمير
وفي يوم ما رحت الدراسةبكيت بدمع غزير
كأن كل أيامي بُكاهاطعمه مرير
وفي يوم ما قلبي يدق فيالحب دق ودق
بكيت لأن حبيبتي عمر ماقلبها رق
ومشيت مع الايام ابكيودمعى يزيد
لحد مكا الفرحة بانتويومي بقى يوم عيد
في يوم ما خدت الشهادةوقلت هانت ياواد
ورحت لأمي ابارك لقيتبكاها سُهاد
سألت ليه الدموع دا قلبيتوا انشرح
قالتلي يا بني تعالى داهوا دمع الفرح
يا رب ايه الحكاية وليهالدموع دى كفاية
أيامني عمري حزينة دايمامعاها بكايا
( في بداية التسعينات وبعدمشاكل المصريين في الخليج اثناء حرب العراق وتحرير الكويت وقد تغيرت الاحوال وبدأالمصريون بالخارج التفكير في العودة لمصر.....)
كُله ماشي ...
كُلُ ماشي كُلُ ماشي ...النهاردة كُلُماشي
إللي ماشي آهو ماشي...واللي قاعد برضهماشي
مش هيفضل اي واحد ...اللي روح اوماجاشي
كله ماشي كُلُه ماشي
***
كُلُه ماشي دي الحقيقة بس مين يحكيهالينا
كُلُه ماشي دي حياتنا فيها كُنا ومنهاجينا
كُلُه ماشي دور وداير قوم يا صاحبيويلا بينا
قبل ما الشوطة تخدنا مش هترحم حد فينا
قبل ما الغربة تضيَّع من حياتناوامانينا
قبل ماالغربة تفرق بين ولادناوأهالينا
ضاعشبابنا يوم ما جينا والليالي تكُرفينا
كله ماشي كُلُه ماشي
***
إللي ماشي عُمره ما يزعل ولا يفكرثواني
وإللي قاعد عمره ما يفرح ولا يضيع فيالأماني
اللي مكتوبلك حتخده اوعىَ تبكي تقولزماني
إحنا ياصاحبي بنسعى وإللي جالك برضه جاني
يوم ما جينا كل واحد عنده رغبة وفكرتاني
بس تفرق في النوايا والزمان الاولاني
كُلُه ماشي كُلُه ماشي
***
قالوا غربة ويوم يعدي واللي مستعجليعدي
واللي عاوز يجي يدي واللي مش عاوزيودي
ماهي غربة وحالة كُربة وعيشة مليانةبهباب
اللي خايف عل الفلوس عالكرامة راحيدوس
واللي خايف يفتقر يوم ما يرجع راحيحوس
واللي خايف عالولاد واللى خايفعالجاموس
واللي نفسه في بنت حلوة واللي نفسهيوم يبوس
واالي هايص واللي لايص والحكاية سوسفي سوس
سوس بينخر في حياتنا لما خلانا تيوس
تيس مدير وتيس غفير وتيس بينفخ فيالنفير
تيس يقولك مش راح ارجع وتيس يقولك آهلو ارجع
كله ماشي كلُه ماشي
***
كلنا ياصاحبي ضعنا
كلنا جينا وخلِمنا
كلنا من الكاس شربنا
كاس حلاوته شفطةواحدةا
والمرار دايمـاً يصيبنا
كله ماشي كلُه ماشي
***
شيكو..
(شيكو هنا رمز لأي شركة من شركاتالخليج التى يعمل بها المصريون وما أكثرهم)
شيكو صبية جميلة وعينيها زى البدر
طلعت علينا في ليلة هي ليلة القدر
فيها اللي قلبه انشرح واللي خدتهم غدر
واللي بيبكي ليمشي يرجع يدوق المر
واللي حاسبها بمزاجه قاعد لطول العمر
والاي بيخاد إضافي مكسب يفيد ما يضر
واللي مسفر عياله يبكي ودمعه يفر
واللي جايبلي في حماته خايف وبكرة يهر
واللي بيمسح في جوخ ويقول دا حالي يسر
واللي بيشتم في نفسه ساخط وماشي يزر
واللي بيصبغ في شعره اصل السنين بتمر
واللي يخاف من زميله لحسن عليه بيقر
غربة وتوها وبلاوي ربك يجيب الستر
اللي هيمشي يعجل قبل الزمن ما يجر
واللي هيقعد يحاسب أصل القعاد بقى مر
يبعت لأهله رسالة انسوني طوا العمر
(العمل الاضافي"الاوفرتايم"وكيف يتحايل الناس عليه والخميس طبعا يوم من ايام العطلة والعمل الاضافي)
يـوم الـخـمـيـس!!!!
وقالوا تيجلها فى يوم الـخميس
دى شغلة بسيطة ما عايزة ونيس
تِـخلَص وتـخْلص وخليك حـسيس
وجينا فى يومها نشوف الامور
لقينا القيامة ويوم الحشور
وناس فاضية جاية وجايبة الفطور
وناس جاية تحكى وجاية تزور
واهى ايام تعدى وعداد يدور
وساعة فى ساعة دخلنا فى الوف
ومهما راح احكى لزملك تشوف
ساعتها تصدق وتيجى تطوف
حتلقى الدقون ودى اصل الخديعة
بتلهط اضافى وحسب الشريعة
جلال فى حلال وكله خديعة
وتلقى المناضل ومنهم كتير
وعمال يناضل ويكسب وفير
نضال بالاضافى وكله يصير
وتلقى الفرنجة وشغل التمام
طلاينة وفرنسة وكله حرام
تكية ومالها قانون او نظام
اهى دى حكايتى فى يـوم الاضافى
فى يوم ما ضميرى بقوله عوافى
وآجى مع المؤمنين والدقون
اناضل نضالى جهادى يكون
وكله فى حب الريال راح يهون
فرقع لوز
فُرقُع لوز كان صبي ميكانيكي مبيعرفش غير النط
يجهل حتى يفك البرغي ولا يعرفشي يفك الخط
فُرقُع لوز يا اخونا قضية خلت شعر الراس دا يشب
مين راح يقعد مين راح يمشي مين راح يعلا ولا يقب
الموضوع مش بس علاوة ولا ترقية ولا مين طب
الموضوع انا وانت كفاية خدنا نصيبنا وبلاش دب
الموضوع ودا حال الدنيا ناس راح تيجي وناستتزق
شجرة جديدة وطالعة قوية جنبها شجرة عجوزة ودق
سنة ربك جيل راح يمشي بعد ماخلص كل ايامه
علشان ييجي جيل بيفكر امتى يحقق كل احلامه
( في الغربة تتباين الاراء ويكون هناكدائما من يريد العودة للوطن ومن يخاف من العودة للوطن)
سيدنا ابوزيد
يللا يا نصحي ويللاياعيد نادوا كمانلأخينا فريد
نجري ونسمع خبر الليلة من أخبار سيدنا ابوزيد
عندُه تمللي أخبار طازة جاهزة تقولشي عليها ريدي ميد
عم ابوزيد عنده اتصالات واصلة لكل الاتجاهات
يعرف نوع البلحة ديايه منالزغلول حتى الامهات
أصله علولة واد متنور عيبهتمللي التفنيشات
عايز يمشي ويرجع بكرة بس بشرط يخدنا معاه
لما لقانا قاعدين فيها ومش راح نرجع يوم وياه
راح مزربن فينا وعكنن هب وشاط منه لله
كل يومين خبرينوتلاتة منأخبار النوع اياه
فنشوا خمسة لأ خمسين فيالخارجية وقول الله
جواه هـوجة مش راح تهدى الا لما نقوله آه
خدها يابني نصيحةوهدي مينراح ياخد مين راح يدي
حسبة قلوللها جدودنا زمان
رزق ربك كتبه خلاص هنا وناك او في البلاص
عايز ترجع بلدكبكرة يللا اعملها كده وخلاص
عايز تقعد هنا وتبتانسى ياسيدنا التفنيشات
واعمل زيي كده علىطول كّذِّب أي اشاعة تجيلك
واسمع أي كلامبيطمن يبقى نهارك خير من ليلك
الـدُنـيـا إتـغَـيـرت
الدنيا مالـهاإتغيرت والـحالـة برضـه إتشقلبت
الناس بتجرى تستقيل خايفة لبكرة الـحال يـمـيل
يـخـرب مـطـنـك يـا إسماعـيل !!!!!
ما قلـت لك يـلا زمـان ناخد العيال دا الـحـال أمان
ومـصر فيها الخير كتير وبشايره فى الأخبار تشير
توشكى وسياحةوأبـهـة والرزق ياصاحبى وفير
مـحمود ومدحت لـما رجعـوا من سنـة
الرزق ذاد والـحالة والـلـه بـقت هـنا
وحـسين وصبـحى وزيهم رجـعوا كـتير
مفضلشى غيرنا متبـتين مستنيين صوت النفير
ياسى اسماعيل فكر بقى واحسبها باصول الحساب
اللى بنخده بنصرفه والعيشة يا صاحـبـى عذاب
اللى يـحس انه خلاص ومفيش ولا حتت نفس
يقـعد يتبت فى الوظيفة ولو مشى راح يتوكس
وإن بكرة قـل الرزق حيقـتر لـحد ميترفص
أمـا اللى لسـه فى قليه نبضه من أمـل
نفسه يعـيشله يومين مدام لـسه الأجل
يـحزم أموره وهُب يرجع من عـجل
دا القعدة بين الأهل نعمة ربنا
هى الفلوس دى تساوى ضحكة فى عين ولادنا واهلنا
مهما جمعنا فلوسنا برضه قليلـه
يبقى نعود دا بـلدنا شجرة مضللة
( الى هؤلاءالمصريين من العاملينبالخارج الذين يحلمون بالبقاء في الخارج الى الأبد...)
الدنيا حلوة
الدنياحلوة مزهزها
والتنسهتفرح كلها
كتبلناعقد بميت سنة
قاعدين في شيكو(1) كلنا
مِشراح يمشو ما تخافوش
لاراح نعيش ابداً فشوش
قعدينعليها متبتين
متربطينمترصصين
ديحياتنا حلوة منورة
وولادناأخر سُكرة
سلمليعالمترو بقى
وانسىالهموم والتريقة
أهودا الكلام اللي بصحيح
اهودا الكلام اللى عشانه بقيت مليح
-------------------------------------------------------
(1) شيكو هنا اشارة الى اي شركة من شركاتالخليج حيث يعمل الاف المصريين
(رسالة الى صديقي احمد عاشور المريض بداءالناصرية والعياذ بالله والذي أدعو له بالهداية وكله عالله)
أحمد أفندي عاشور
أحمد افندي عاشور كان نفسه يكون دكتور
أو ظابط في البحرية يُشخُط ينتُر ويثور
لكنِّه بقى مستوظف عايشو الحال مستور
وتشوفه تقول ياحلاوتك إيه ده الشيخ شرشور
عيبه انه مابيشوفشي لو عاشحتى في النور
غسلو دماغه بكلامهم عن ناصر و المنصور
أصله فلاح ومشافشي غيرساقية يجرها طور
ويقولك ايوه انا فاهم دايما عبد المأمور
ناصر بيحب الفقرا وبيخاد من الميسور
خلا التعليم مجاني وابن الفلاح مستور
وأقوله آه يا سي احمد ناصر خرب المعمور
خرَّب في بلدنا بحالها لمَّا خلاك معوور
في الجنة عين والتانية في النار عمالة تفور
يا اخينا اصحى وصحصح خلي الطابق مستور
مين بوظ فينا علامنا وعلومنا تبقى قشور
في الجامعة نطلع جهلة هندسة ولا دا حنطور
ونبلطج جوا المصنع ونهيَّص لجل ندور
أما في الجيش متقولشي محششة داير في النور
ولحد ماجات الخيبة والعلقم بقى في الزور
واخوانا بتوع النكسة بيقولوا طفو النور
يخرب بيتهم بلا وكسة كلكلامهم كان زور
وقعنا كام طيارة والشعب يبات مسرور
ومشيرنا الهمة زميله يبكي زي المزعور
ماهوأصله حسبها كويس ياتصيبه يا اتنين عور
أما انت يا سي احمد خليك دايما مزرور
راح تهتف جوا بلدكم بالروح نفدي المنصور
خُدها نصيحة ياأخينا خلَّيها طاقة نور
الشعب إن بات فالضلمة وان عاش مذلول مقهور
راح تيجي مليون نكسة والظلم علينا يدور
علشان كده مات فرعونكم وماعاشي يوم منصور
من وكسة لنكسة يا قلبي سلملي عالحنطور
واهتف في الشارع واصرخ دا احمد وابن عاشور
ناصر دا رسول ومقدس ونبينا ونورعلى نور
اما إحنا فسيبنا نروح راح نيجي بكرة نزور
ونجيبلك عيش و حلاوة وفطير كده رحمة ونور
دي بلدنا بقت الخانكة وتاريخها بقى مبتور
الظالم مات بهزيمته نهتف ونقول منصور
وإللي بعبوره نصرنا بنخرب فيه ونجور
الشكوى مُـرة(1)
الشكوى مُرة وأمر منهاالسكوت
والدمعة حَرَة وإللييفون راح يموت
والناس غلابة محتاجينومفيش ولا سحتوت
الوِلد تُصرخ تقول منالجوع راح نموت
والدين كتير والغلا ماخلى لينا قوت
والجهل يفشى ما بيناوالعلوم بتموت
وحياتنا تصبح جحيم تدينابالشلوت
وازاي ياصحبي تقوليالعنف جالنا منين
وازاي طريق الهداية يصبحطريق بلونين
لون للعبادة ولون للدماحمر شين
وازاي جوامع بلدنامليانة دبش وطين
بدل الصلاة والصوموتلاوة الايتين
وازاي بيقتل محمد وازاييرد حسين
ما هي دي النتيجة الليكنا خايفين تيجلنا زمان
اما افترى حكامنا من عهدكنا وكان
الناس بتصبر ولكن الصبركالبركان
ايام كتيرة بنسكت وفييوم نكون فيضان
تقلع كبيرنا وصغيرناويروحو في النسيان
خدها نصيحة يا صاحبيالكل كان غلطان
شيوخنا جوا الجوامعحكامنا كانوا كمان
والشعب وانت وانا راحندفع الحِلوان...
------------------------------------------------------------------
(1) القصيدة في بداية العنفباسم الدين والعنف المضاد من الحكام عام 1997
ابن السلطان (1)
ابن السلطان كان ييجيزمان يجري ويلعب في الحواداية
كان لسه ابوه مبقاشسلطان بقرة تجرجر فب السقياية
لما الاستاذ اختاره وقالراح تحكم بعدي وورايا
مرت ايام ومعاها ايامايام السلطان الجاية
اول ماحكم سلطنا إياهيحكم بالسورة والآية
الوزن سليم والحق مبينوالظالم محقوق بجراية
بخطب ويقول انا مش هوولا دكها وقراري في ايدي وياية
والناس يتصدق وبتهتفمنتظرة القائد والراية
وصاحبنا ايامه تعديوهمومنا تذداد هماية
لم قلد هو وأفعاله ولاحصل دكها وايامه الحلواية
أخرتها زاد الطين بلهوابن السلطان بقى في اللعباية
بقى شهبندر يحكم وخنصرويسمسر جوا الشرواية
يشتري ويبيع والحق يضيعويقول انا وحدي ياهنايا
والتاس مساكين تخضعوتلين وبتثبر حتى الزرواية
وهو زي مابتقولالامثال سكتناله...ولا كفاية!!!!
_________________________________
(1) اين السلطان اشارةالى موضوع التوريث في منتصف التسعينات منعهد حسني ميارك
مين يقول الحق؟(1)
مين يقول الحق كلمة...
مين يقول للظلم مرة...
مَش را ح اسكت أو أداري
مش راح اسكن جوا داري
واجري واتغطي بازاري
راح اقول كل الحقيقة
واجريبالخطوة الجريئة
احكي للسلطان واقول
اللي كان شرحه يطول
انت نايم فوق وساكن
والظلم عشش في الاماكن
العساكر هددونابالخناجريضربونا
والنظام كله فساد منالحكومة للسياد
والمصالح خُد وهات
انت يا سلطان نسيت
اللي قبلك واللي قبله
كلهم راحم وجيت
والمصير لازم تروحله
فاخشى ربك واستجير
المصير هوالمصير...!!!!!!!
___________________________________________________________________
(1) القصيدة عن الاحوال فيمنتصف التسعينات
( منالرمزيات والحدق يفهم ...في منتصف التسعينات)
الواد شحتة
الواد شحتة صبي ميكانيكيعِترة ومجدع بس حمار
يَصحىض تملي في الفجريةويروح شُغله واد زنهار
وملوش دعوا باي مشاكلدايما من شغله عالدار
إن راح مرة يشتريحاجة عمره ما يسال عالاسعار
اصله مهاود راضي وقانعومفيش في حياته اسرار
الصبحية كان في طريقةجاي على شغله لقى انفار
واقفة بتهتف وبصوت عالىمليا الدنيا زعيق ونقار
قام راح ماشي قال وانامالي يمكن زفة والا دا زار
قابل صاحبه عمربيهيَّصقاله ماتلعبشي بالنار
رد عمر قاله يامفغليومنا \اعيد الاسطى مختار
صاحب ورشتنا وريسناواللي ميرقصشي هينضار
يا ابنى قوم اتحزم زارقصوانسى همومك والافكار
الاسطى بتاعنا احسن واحدواللي يفكر يبقى حمار
الاسطى بتاعنا خليالورشة جنة ومليانة ازهار
كل الورش التانية تخافهامال ايه اسطى من نار
شحتة قام من غيظه وزعقاول مرة يكون محتار
كل دي زيطة عشان الاسطىطبلة ورقص وكام مزمار
هو الاسطى يعيِّشورشةشوف كذا اسطى عدا وصار
الاسطى دا واحد واحناكتير حال الدنيا بقى مندار
طول الناس بتطاطي وتسكتحال الدنيا هيبقى مرار
آه لو أحكم فيقي يا ورشةهاضرب اهلك ليل في نهار
حتى يقوموا ويعرفو دايماان الاسطى كان يوم فار
لما الاسطى السابق فلسعركب ساعتها الاسطى ودار
حلق حوش والناصح ينهبواللي هيقهم يبقى حمار
ليه تملي تفكريني
ليه تمللي تفكريني بذكرىمرت من سنين
ذكرى عايشة جوا قلبيتملى قلبي بالحنين
بافتكرها كل مرة لمااشوفك حتى صدفة
أو اشوفك في خيالي صورةللبدر الحزين
با فتكر يوم افترقناولفتكر ايام لقانا
كُنا عايشين جوا جنةاحنا فيها لوحدنا
نجري فيها فرحانين هي ديالجنة عندنا
كان شورق الشمس دايماًهو ميعاد حبنا
والغروب معناه نودع لجلما نعيد حبنا
دنيا كانت نفتوحلنا منبعيد نجري نلاقيها
بالزهور متشوقلناوالاماني تحيا فيها
اما يوم ما جه فراقنا والزمنصمم بعادنا
يومها كنتي بتقوليليافتكرني كل مرة
كل ماالشمس تطلع كل ما ترحل تودع
افتكرني كل مرة....
مُـســتحــيــل
مُـسـتـحـيل أنـسـى الـلىفـات وأشـتـاق هــواك
مُـسـتـحـيـل تـبـقـى الـحـيـاة بـس فــى رضـاك
كُـــل شــيـئى فــىالـدُنــيـا أصبـح مُـسـتـحـيل
مُــســتـحــيـل أرجـع لِــحُــبـك مُــسـتحـيل
حُـبـنـا مُـش بـس كـلـمـة قـالـهـا قـلـبـك يـوم وراح
حُـبـنـا كـان نـســمة حـلوة تـشـفـى مـن كل الـجـراح
حُـبـنــا كـان ضـلـة فـيـهـاعـشنـا بالليـل والـصبـاح
نـرتـوى مـن نـبـع صــافـى نـبـع مـلـيـان بالـحـنـان
نـلـتـقـى مـع حـضــن دافـى نـنـسـى آهـات الـزمـان
كُـنـت دايـمـاً جــوا قـلـبـىمـعـنـى للنـجم الـبـعـيد
كُــنـت دايــمـاً جـوا عـينى صـورة لـلــفـجـر الجـديد
كـنت بأسهرجـنب مِـنك لـجل صورتك تـبقـىاخر شـيـئ فىعينى
كنت بأسـكُت واسـتـمعلك لـجل صوتـك يـملـى اشواقى وحنينى
والـنهـاردة الـنهـاردة كـلشـيـئى بـانـلى بـحـقـيـقـته
انـكـشـفلى كل حـاجة لـمـا قـلـبك بـان حـقـيـقـتــه
قـلب قـاسـى قـلـبكــلـه خــداع وغــش
كل يـوم لـه حـب تـانىكـل يـوم لـه الـف عـش
يـا حـبـيـبـى يـلى كـان اسـمـك حـبـيـبـى
مش حـقـولـك مـرة تـانـيـة يـا حـبـيـبـى
مـسـتـحـيـل ا رجـع لـحـبـكمـستـحيـل
كـل شـيـئى فـىالـدنـيا اصبـحـل مسـتـحـيل
متفهمنيش غـلط
متفهمنيش غلط
الحب دا كان غلط …..
متقولشي إنـي بـهرب أو إني بانسحب
متقولشي إن حـبي هيضيع من غيرسبب
الـحب مُـش حكاية أو كلمة فىرواية
الـحب مُـش أمانى نـحياها منالبداية
الحب مش مـعـانى نـُقولـهاللنـهاية
الـحب كلمة قالـها قلبين في لحظةحلوة
اتعهدوا فيها تبقى حياتـهم شوق وغِنوة
أما إللي كان مـا بـينا عايشينومن سنين
كان في البداية يـمكن حبومليان حنين
وحـبه حـبه زادت الشكوىوالأنـيـن
لا عُـدت بأقـدر أنسى ولا عُدتبتفتكر
أنسى إللى كـان ولـسه و برضه بـتنتظر
متفهمنيش غلط…………..
الحب دا كان غلق……
مش معنى إنـي أحبك إنك خلاصشـاريني
وإنـي عبد ملكـك تيجي تـروحوتلاقيني
الـحب فيه كـرامتي وفيه بـرضكسعادتي
أوعـى تـفكر بإني بالـحب أبيعإرادتـي
متفهمنيش غلط…………
الحب دا كان غلط…………
محمد أفندي محمد بشير
محمد أفندي محمد بشير
مقاول مباني مهندس كبير
واما تشوفه تقول داخطير
ولكن هتفهم جنابك تمام
محمد مسالم وطيب قوي
ملوش في الحداقة ومش ملتوي
ولكن عيوبه بتظهر قوام
يقولك هجيلك ويقصد مجيش
ولو مرة جالك يقولك مفيش
واهي ايام تعدي وبلا نعيش
وهىض دي اصل حكاية الملام
محمد وكان اصله زي الطيور
يحب المغزالة يحب السرور
وله في العواطف كتير الامور
وده كله طبعا كلام في كلام
لأنه مؤدب يصلي ويصوم
ويعرف حدوده تملي خدوم
ودايما يسامح وقلبه كتوم
لأنه ماصل حفيد الامام
محمد دا شاطر وطالع نبيه
ابوه كان يحبه ويدعي يلاقيه
مهندس وناجح ويتباها بيه
ديوانالحان وعجباني
قصائدفي المدة من بداية القرن الواحد والعشرين
حتىعام 2013 وبداية احداث ثورة الثلاثين منيونيو2013.
وقدتم اضافتها لديوان (حكايات في الغربة ) عند نشر الديوان الكترونيا على الانترنتفلزم التنبيه.
إبـعـد
إبعد واعمل تقيل
حبك مالوش مثيل
حبك حكاية فيها
القلب ليك يميل
حبك فى قلبى كان
الفرحة والأمان
مش هيفرقَّنا ابدا
لازمان ولامكان
حبيتك يوم ماشفتك
وبحبك كل يوم
حبيتك حتى صورتك
فى قلبى دايما دوم
ابعد برضك هتيجى
واشوفك جوا عينى
لايوم هتنسى حبى
ولا حنسى يوم هواك
ابعد واعمل تقيل
ابعد واعمل تقيل
أصلـى بـحـبـك
أصلى بحبك ...
وبدوب من كلمة احبك...
وأحلم بيوم...
أبقى فيه وأناجانبك
إنت عارف يعنى إيه كلمة بحبك...
يعنى أفضل جواقلبك
يعنى جوا رموش عنياَّ راح أضمك
يعنى دمى يبقىدمك
يعنى روحى تبقى عندك
جوا إيدك بين صوابعك
مُش بحبك ...
هيا إيه الدنيا إلا يوم فى قربك
والا إيه الجنة إلا تحت ضلك
والا إيه تبقى حياتى إلا جنبك
مُش بحبك...
الليالى أنت فيها البدر وحدك
والأماني إنى أبقى جنب قلبك
والمعانى كلمعنى فيها حُبك
مُش بحبك ..,.
لو تغيب ...الشمس تُغرب فى النهار
لو تعود... البرد يبقى نور ونار
بحبك ...
بجبك يا قاسى وحبك مـآسى
وعمرى ماعاتبك وعد الكراسى
بحبك وحبك عامـلى صداع
ولما راح أشفى هااقولك وداع
بحبك وقلبى عبيط مش حدق
أقول له دا أهبل يقولـى اتفلق
بحبك وحبك فى قلبى كبير
ولما بزورك بجبلك فـطــير
بحبك لأنك شـبـيه للحمار
مع إنه بيفهم وانت المرار
لـو قـلبك
لو قلبك حس بيـا
لو حبك مال عليا
حتلاقى كل نبضة
فى قلبى بتناديك
وتقولك ياحبيبى
لو مرة الشمس غابت
أو مرة النجمة نامت
من نظرة واحدة منك
الدنيا حتبقى نور
من ضيك يا حبيبى
حُبك فى قلبى حكاية
عايشها من البداية
صورتك منورة فيها
معايا للنهاية
بحبك يا حبيبى
لو رمشك يوم نادانى
كلمنى بالمعانى
هااطير واقول زمانى
احلو تانى تانى
واجيلك ياحبيبى
مسير الحى يتلاقى
هتبعد قد ما تبعد
وترحل بره وتشرد
هترجع يوم وتغرد
مسير الحى يتلاقى
لُقا مكتوب ومتقدر
على جبينك أهو اتسطر
ومهما نسينا نتذكر
ونلقى الدنيا مشتاقة
بنبعد ليه دى ايامنا
بتجرى بسرعة وتسيبنا
ونلقى العمر ضاع منا
واهى دنيا وفراقة
تعالى نرجع الأيام
نخلى الدنيا زى زمان
ندوب معبعض فى الأحلام
نعيش ايامنا برواقة
مسير الحى يتلاقى
مسير الحى يتلاقى
فىاعقاب حاث الإعتداء على حسني مبارك فى بورسعيد سبتمبر 1999
مبروك علينا
مبـروكعليـنا جـمـيعاً رَيَسنـا قـامبالـسلامة
بعد الـمحاولة إللى كانت وإللى هَـتـبقى علامة
إنـه هَيفـضل مـعانــا ريـس ليـوم القـيامـة
أى مُـحاولة هَـتفـشل أصلُه مُـحَجـب ياناس
مِـدى لـدمـاغُه أجـازة ويـعـيش على القلقاس
عِـرف الـحكاية تـمام ولـعبها زى الـمقاس
أمريكا تـُؤمُر يـطـيـع والعلـم فى الـكـراس
والـشعب جُوا الـبلد لا حِس ولا إحـسـاس
مـساطيل ورا مـساطيل والـشـم يـملا الراس
حَـبه بتـنـهب فلوسنـا هـايصة وما فى مـساس
عايشة فى ميناو مارينا أمَّـا الفـقـير يـنداس
يَـفضل يـبهدل فى نفسه و مـصـيره للإفـلاس
وإن راح يكَـلِم رئـيسه يكون مصيره الرصاص
مـبروك عـلينا جـميعاً سـلامــــــة البـلاص
عيد ميلاد الأسطى خيشة(عيد ميلاد مبارك)
ألفين تحية وسلام عل السطى خيشة الهمام
لعبها حلوة وتمام وخد عليها الوســــــــــام
أصل البلد دى كِــده ما يفيدش فيهاالنظــــــام
إللى هيحكم يكـــون " حــمــار" فى إيده لجام
ينطح ويرفص تمللى والناس تخاف على الدوام
عينى عليكى يا بلد خـيـــرك لأهلك حــــــرام
يجىالغريب يبقىسيد وإبـنـك يـكون خــــــــدام
وإن مـرة حد إعترض سجنـوه قوام فى قوام
يا عـمخيشة كفاية طولت فى القعدة كتير
الحالـة جت للنهاية والوضع اصبح خطـــــــير
حتمشى إمتى ياسيدنا لجل المقدر يصيــــــــــر
نصيحة منى وخدها الظلم عمره قصيــــــر
وإن كنت ناوىتتوب التـوبة بابــــــــهاكــبير
إرمى الرياسةوسيبها دا وجعها والله كتيـــر
عيشلك يومين فىسلام إدعى دا ربك نصير
وخد أهل بيتكجميعا الست والبيه الصغير
وجمال فقل لهكفاية النصـــــبوالتزويــــــر
لحسن نهايتههتصبــح فـىالسجن يبقى أسيـر
يا عم خيشةبقولها وكــلامى فى التنوير
مفيش رئيس فىبلدنا يمشى وابنه وزير
أو حتى نايب فىدايرة او فى الادارة مدير
لما رئيسنابيمشى نمشى وراه للغفير
وإللى هايجىبداله نجرى نقول داالامير
ريسنا إدانا عـلاوة !! (علاوة الرئيس مرسي 16 يوليو2012)
ريسنا إدانا علاوة أصل إحنا ناقصنا غباوة
وحياتنا هتقلب بمبى والثورة هتبقى طراوة
يا إخوانا كفاية أونطة من شُبرا لغاية طنطا
ياتيجولــنا كده طوالى يا تقولوا أخَدو الشنطة
يا سى مُرسى مين راح يُحكم العسكر عايز يُـشكُم
و اللهو الخافى بيلعب والشعب خلاص راح يُلطُم
يا " جماعة " مساء الفُل خلاتوا الريس فََــل
مطحون بينكم و العسكر وأيامُه هتقلب خََـل
يإخوانا حالنا يحيَّر لا بيرضى كبير وصغَيَّر
بنجيب فرفور وبنعمِل مِنُه فرعون و نـطيَّر
المرَه الجاية يا سيدنا ما نجبش الريس مـنَّـا
نستورد ريس بـــر ه يتحكم فينا يسوقنا
أصل إحنا شعب عبيد بناقتل بعض حديد
ويجلنا خواجة أفرنجى نُعبُده ونروح لبعيـــــد
يا شبابنا بِتوع الثورة قولوا لأمريكا الفاجرة
يبعدوا عن مرسى شوية و ما يقلدليش البقرة
والبقرة قُـلنـا مبارك بيطيع أمريكا و سالك
هنعيد الماضى ياأخينا؟ فال الله ولا فالك
بعد التأييد الشعبى الجارف لقرارالرئيس مرسى عودة مجلس الشعب –القاهرة صباح الاثنين 9 يوليو 2012 ( والحدق يفهم)
ريسنامرسى الزعيم!!
ريسنا مرسى المِعَلِم ضربها ضربة مِعَلِم
قال للمشير خلى بالك وقَّف مكانك و سَــلِّم
ها أشيلك إنت وصِحابك وأنضَّف الجيش و أَعَّلِم
المحكمة دى لِعبتى ها أشيلها كُلها و أتكلم
* * *
الشعب كُلُه معايا والجيش هيفضل ورايا
أنا الزعيم الجديد قعدت جُـواَ السرايا
أشيل و أحط بمزاجى والكُل يطلب رِضايا
إللى يوافق هيُقعُد وإللى هيرفض كـفـاية
* * *
يا ريس إنت الزعيم والضربة جت فى السليم
فكَّـرتـِنـا " بجـمال" وأيام العز الـقديم
المَـرَة الجاية إسرائيل تمحيها بضربة فى الصميم
ربـنا معاك فى السما " وقول يا رحمن يا رحيم"
يا بلدنا مُش كفاية ؟!
يابلدنا مُش كفاية ؟
تبقى دى هيَّا النهاية
والا لسه الناس بتحبى فى البداية
والا إيه هيَّا الحكاية
يا بلدنا مُش كفاية ؟
****
يابلدنا مُش كفاية؟
مُش كفاية اللىبيجرى فى الميدان
والحرايق دايرة فى كل الغيطان
والمصانع إللى كان فيها وكان
والمعايش كلها ذُل وهوان
يابلدنا مُشكفاية؟
******
يابلدنا مُش كفاية ؟
قالوا ثورة وقلنا حُرة
الفساد راح و إنتهى
والنظام عهده إنقضى
والحياة راح تبقى بمبى
بس ياخسارة خدونا بدرى بدرى
يابلدنا مُش كفاية
*******
يابلدنا مُش كفاية؟
المصالح لسه حاكمة
والوشو ش تواها كاتمة
وإللى نصبح فيه نبات
والسياسة خُد وهات
وإللى فات يا إخوانا مات
وإللى راح يُرقص يبات
وإللى ها يفكر نسيبه للآهات
بعد ما التعلب خدعنا وفات …وفات.....
******
يابلدنا مُش كفاية؟
يا بلدنا يللا بينا
الحكاية مُش هناك...
الحكاية لِسهفينا
لِسه فينا الجهل بيعشش سنين
لِسه فينا الفقر والخوف والأنين
لِسه فينا البيه بيُؤمر وإحنا بنقوله آمين
يابلدنا مُش كفاية ؟
******
يابلدنا مُش كفاية؟
يا بلدنا يللا نصحى
لجل ما نفوق النهاردة
اصل بُكرة الدنيا صعبة
والمعايش برضه صعبة
بالحكومة والمعارضة
راح نخلى الدنيا حلوة
تبقى مصر بلدنا دُرة
يا بلدنا مُش كفاية